Beauty Advise

موٹاپے کو کم کرنے کے لیے عادت میں نظم و ضبط خصوصاً خوراک پر کنٹرول کرنا لازمی ہے

موٹاپا ایک عذاب!
وزن کم کرنے کے لیے پہلے ان باتوں کا خیال رکھیں۔ وزن کم کرنے کی مہم میں ایک بات جو بڑی اہم اور ضروری ہے وہ ارادہ ہے۔ دنیا میں کچھ بھی ناممکن نہیں، لیکن یقین کے ساتھ کوشش کرنا ضروری ہے۔ کامیابی یک دم نہیں، آہستہ آہستہ حاصل ہوتی ہے۔
  • درمیانی عمر کے مرد اور خواتین اگر وزن کم کرنا چاہتے ہیں تو انہیں صرف ایک ہزار کیلوریز والی خوراک حاصل کرنی چاہیے۔ موٹاپے سے نجات پانے اور اس کے اثرات سے بچنے کے لیے ضروری ہے کہ خوراک میں پروٹین کا استعمال زیادہ ہو۔ غذا میں پروٹین کی موجودگی سے جسم کی حرارت و قوت کے استعمال میں تیزی آجاتی ہے، جس کی وجہ سے قوت کا زیادہ استعمال ہوتا ہے۔ مٹھائی، خشک میوہ، کیک، پلاؤ، پیسٹری، بریانی، حلوہ، پڈنگ اور دیگر میٹھی اشیا سے پرہیز کریں۔
  • خوراک پر کنٹرول کے دوران ورزش جاری رکھنی چاہیے اور ورزش میں آہستہ آہستہ اضافہ کرنا چاہیے، جس سے نہ صرف وزن میں کمی ہو گی بلکہ جتنا وزن کم کیا جائے گا، اسے قائم بھی رکھا جا سکے گا۔ موٹاپے کا علاج دواؤں کے ذریعے اتنا کارگر ثابت نہیں ہوتا۔ موٹاپے کو کم کرنے کے لیے عادت میں نظم و ضبط خصوصاً خوراک پر کنٹرول کرنا لازمی ہے اور یہ انسان کو خود کرنا پڑتا ہے۔

is-walking-good-exercise-1.jpg
ورزش
پیدل چلنا بہترین ورزش ہے۔ اس سے نہ صرف یہ کہ کھایا پیا اچھی طرح ہضم ہو جاتا ہے، بلکہ وزن قابو میں رہتا ہے۔ اگر آپ ورزش نہیں کرتے اور محض غذائی احتیاط سے وزن گھٹانے کی فکر میں ہیں تو اس کے نتیجے میں آپ بے شک جسم تو گھٹا لیں گے لیکن لٹکا لٹکا گوشت، بے جان جسم، چہرے پر وقت سے پہلے جھریاں، آپ کا مقدر بن جائیں گی۔ جبکہ ہلکی پھلکی پندرہ منٹ اور آدھا گھنٹہ روز کی چہل قدمی آپ کے ڈھیلے ہوتے ہوئے عضلات کو برقرار رکھے گی۔
drugs_2929014b.jpg
 
وزن گھٹانے والی دوائیں
وزن گھٹانے والی اکثر دوائیں مہلک اثرات رکھتی ہیں۔
وزن کم کرنے کے لیے چند نسخے اور گھریلو ٹوٹکے درج ذیل ہیں:
صبح و شام ایک عدد لیموں ایک گلاس پانی میں نچوڑ کر نہار منہ استعمال کریں۔
ایک گلاس نیم گرم پانی میں ایک چمچ شہد گھول کر نہار منہ استعمال کریں۔
husk-scoop.jpg
آج کل سلمنگ سنٹر میں وزن کم کرنے کے لیے سیکڑوں روپے کے بدلے میں جو سفید پاؤڈر دیا جاتا ہے وہ درحقیقت پسی ہوئی اسپغول کی بھوسی ہوتی ہے۔ دو چمچ اسپغول کی بھوسی صبح و شام آپ بھی استعمال کریں۔
پیپل کے دس عدد پھل یعنی پپلی رات کو آدھا کلو دودھ میں بھگو کر رکھ دیں۔ صبح نہار منہ دودھ میں چینی ملا کر اچھی طرح ہلا کر پندرہ دن تک استعمال کریں۔ بادی اور ثقیل اشیا سے سخت پرہیز کریں۔
 
635823350608411252-XXX-BELLY-FAT-05-77306734.jpg
 
بڑھا ہوا پیٹ کم کیجیے
بڑھا ہوا پیٹ ایک مصیبت اور عذاب سے کم نہیں ہوتا۔ دس بیس قدم چلنے پر ہی سانس پھول جاتا ہے۔
بیٹھے رہنے یا چکنی اور میٹھی چیزوں کی کثرت سے پیٹ بڑھ جاتا ہے۔ پہلی بات تو یہ ذہن نشین کر لیجیے کہ کھانے کے بعد کم از کم ایک گھنٹے تک پانی نہیں پینا چاہیے۔ دوسری تدابیر کے سلسلے میں پہلی بات یہ ہے کہ غذا میں کمی کر دی جائے اور زیادہ کھانے کی عادت ترک کر دینی چاہیے۔
mixture.jpg
بڑھے ہوئے پیٹ کو کم کرنے کے لیے لیموں اور شہد کا استعمال مفید ہے۔ اسپغول کی بھوسی بھی آپ کے لیے فائدہ مند ثابت ہو سکتی ہے۔ اس کے علاوہ اصلی ہینگ تلاش کر کے کہیں سے حاصل کریں اور اسے گھی میں اچھی طرح بھون لیں۔ جب ہینگ کا رنگ تبدیل ہونے لگے تو گھی چھان کر الگ کر لیں۔ اب اس گھی کو کسی شیشی میں محفوظ کر لیں اور روزانہ رات کو سوتے وقت ناف کی جگہ مالش کریں۔ پیٹ کم کرنے میں یہ نسخہ خاصا مفید پایا گیا ہے۔
dddd.jpg

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s