گردن کی سیاہ رنگت اور میل سے چھٹکارہ پانے کیلئے ٹپس

 images
 
سوال: میرے چہرے کا رنگ گندمی ہے لیکن گردن کا رنگ اس قدر سیاہ ہے کہ نمایاں طور پر محسوس ہوتا ہے۔ اس وجہ سے میں سخت پریشان ہوں، مہربانی فرما کر کوئی ایسا نسخہ بتائیں کہ میری گردن کا رنگ بھی چہرے کی طرح گندمی ہو جائے۔
جواب:
اگر آپ کی گردن چہرے کی نسبت سیاہ ہے تو اس کا مطلب یہ ہے کہ آپ اپنی گردن کی صفائی کا خیال نہیں رکھتیں یا یہ کہ دھوپ کے اثرات سے آپ کی گردن کا رنگ جھلس گیا ہے۔ چہرے کا تو ہر کوئی خیال کر لیتا ہے مگر گردن کو عموماً نظر انداز کر دیا جاتا ہے۔ اس وجہ سے گردن چہرے سے مختلف نظر آتی ہے۔
ایک کھانے کا چمچ مالٹے کے چھلکے کا پائوڈر، ایک کھانے کا چمچ گاڑھی دہی اور ایک کھانے کا چمچ لیموں کا رس لیں۔ تمام اجزاء اچھی طرح مکس کریں اور لگا لیں۔ پندرہ منٹ تک خشک ہونے دیں اور پھر ٹھنڈے پانی سے دھو لیں۔
 دودھ اور  شہد ہم وزن باہم ملا لیں اور روزانہ اپنی گردن پر لگا کر دس منٹ تک لگا رہنے دیں پھر ٹھنڈے پانی سے دھو لیں۔ دو تین ہفتوں میں آپ کو نمایاں فرق محسوس ہو گا۔ اس کے علاوہ گردن پر روزانہ سونے سے پہلے  لائیٹننگ سیرم  Koee Extreme Lightening Skin Serum بھی لگائیں۔